«Су тасқыны» – бұл денсаулық немесе адам шығынына әкелетін, материалдық залал келтіретін өзен немесе көлге іргелес тұрғылықты жерді сумен басу.

Су тасқыны кезінде қалалар, елді мекендер, егістіктер, автомобиль жолдарының төменгі бөліктерін су басу, өндірістік, көліктік және басқа объектілердің бұзылуы болады.  Су тасқыны Ақмола облысының су артерияларында  тіркеледі.

Су тасқыны мен тасқын судан адам өлімі мен залалды сақтап қалу мәселесі құзырлы органдарға ғана емес халыққа да қатысты. Су тасқынына қарсы қорғанысты оңтайлы ұйымдастыру үшін су тасқыны және қауіп-қатер туралы білім қажет.

Су тасқынына дейінгі әрекетіңіз.

Су тасқыны қауіпі туралы дабылды естісеңіз:

• телевизорды немесе радиоқабылдағышты қосыңыз, олар бойынша маңызды ақпарат болуы мүмкін;
• су басу мүмкіндігі бар аймақта тұратын көршілеріңізге және жақындарыңызға қауіп туралы хабарлаңыз;
• құжаттарыңызды, бағалы заттарыңызды (тек өзіңізбен алып жүре алатын), дәрі-дәрмектерді, бүлінбейтін азық-түліктен 2-3 тәуліктік қорды, төсек-орын мен жуыну құралдарын, мүмкіндікке қарай сырт киім мен аяқ киімді дайындаңыз;
• мүлік пен материалдық құндылықтарды қауіпсіз орынға (шардақ, жабын) ауыстырыңыз немесе оларды жоғары (шкаф, антресоль)орналастырыңыз;
• электрді, газды өшіріңіз, жанып тұрған пештегі отты сөндіріңіз, ғимараттан тыс бар қалқитын заттардың бәрін бекітіңіз, немесе оларды қосалқы орын-жайларға орналастырыңыз;
• терезелер мен есіктерді жабыңыз, бірінші қабаттағы терезелер мен есіктерді сыртынан тақтаймен (қалқанмен) қажеттілік пен уақыт болса қағыңыз;
• үйді тастаңыз да көшіру пунктіне барыңыз.

Су тасқыны аймағындағы әрекетіңіз:

• бастысы үрейленбеңіз және апаттың басылуын күтпеңіз;
• ойланбаған әрекет жасамаңыз;
• ғимараттың жоғары қабатына, шардаққа, жабынға, ағашқа және басқаларына көтеріліңіз;
• өзіңізді көшіруге жарамды заттар табыңыз (автомобиль камерасы, үрленетін матрац және т.б.);
• қорғаушылар келгенге дейін апат дабылын беріңіз (күндіз – ақ немесе түрлі-түсті матаны ағашқа  ілумен немесе  бұлғаумен, қараңғы уақытта – жарық дабылымен немесе әлсін-әлсін дауыспен);
• жүзген немесе батқан адамдарға көмек көрсетіңіз;
• қайық немесе өзге қалқитын құралдар болса су басқан ауданна алдымен балаларды, әйелдерді, қарттар мен ауруларды шығарыңыз;
• үрейсіз жіне әбігерсіз сақтықты сақтаумен қалтитын құралға өтіңіз;
• жақыннан қалқитын немесе су бетіндегі заттарды қолданыңыз;
• батып бара жатқан адамға қалқитын затты лақтырыңыз;
• зардап шегушіге жүзіп жеткенде өзен ағынын ескеріңіз;
• құтқарушылардың талаптарын қатаң сақтаңыз;
• көшірудің соңғы пунктінде тіркеліңіз.

Су тасқынынан кейінгі әрекетіңіз:

• ғимаратқа жақындағанда сақ болыңыз, оның барлық құрылымының  (қабырғалары, едендері) сенімділігін тексеріңіз;
• салбыраған электр сымдарынан сақтаныңыз;
• қажеттілікке қарай тек батареймен істейтін фонарды қолданыңыз;
• бөлмелерді желдетіңіз, еден мен қабырғалардағы кірді сүртіңіз, жертөледегі суды сорғыңыз және тұрғын орын-жайды кептіріңіз;
• кірленген ыдыстарды, асхана құралдарын, жиһаз бетін дезинфекциялаңыз;
• электр сымдарының, құбырлардың, газ бен жабдықтаудың дұрыстығын тексеріңіз;
• сумен байланыста болған азық-түлік пен ауыз су қорларын пайдаланбаңыз;
• кір судан құдықтарды тазалауды ұйымдастырыңыз және суды сорғыңыз.

Су тасқынына отбасыңызды дайындау үшін іс-шараларды жоспарлауды және оларды тасқын кезеңі басталғанға дейін орындауды ұсынамыз:

АО «АЭҮК» АҚ
Азаматтық қорғаныс штабы